આરોગ્ય.કૉમ - ગુજરાતી

Sunday, Dec 15th

Last update:04:36:36 AM GMT

મુખ્ય પાનુ અધ્યતન સમાચાર વર્ષ ૨૦૧૦ રાત્રે મોડું ભોજન કરવાથી ડાયાબિટિસનું જોખમ

રાત્રે મોડું ભોજન કરવાથી ડાયાબિટિસનું જોખમ

Print PDF
મુંબઈ , તા. ૧૯

રાત્રે મોડું ભોજન કરવાથી ડાયાબિટિસનું જોખમ
શહેરી ભારતમાં વસતા મધ્યમ અને ધનિક વર્ગના લોકોની વિચિત્ર જીવનશૈલીને કારણે તેઓ જાણે અજાણે ડાયાબિટિસ જેવા જીવલેણ રોગોનાં ભોગ બને છે. શહેરી ભારતનાં પરિવારોમાં ખૂબ ઝડપથી રાત્રે મોડું ભોજન કરવાનો ટ્રેન્ડ વધતો રહ્યો છે. જેને કારણે રાત્રે મોડું ભોજન કરનારા લોકો ખૂબ ઝડપથી ડાયાબિટિસ જેવા રોગમાં સપડાય છે. ભારતમાં લોકોને ડાયાબિટિસ થવાનાં પ્રમાણમાં ઉત્તરોત્તર વધારો થઈ રહ્યો છે. સમગ્ર દેશમાં ડાયાબિટિસે ભરડો લીધો છે. બિનતંદુરસ્ત લાઈફ સ્ટાઈલથી જીવતા પરિવારોનાં બાળકો માટે આ ચિંતાની વાત છે.

તાજેતરમાં એ.સી. નિલ્સન દ્વારા હાથ ધરવામાં આવેલો સર્વે એવો નિર્દેશ કરે છે કે દેશનાં અનેક પરિવારો રાત્રે મોડું ભોજન લેવાની ટેવથી પીડાતા હોય છે અને અજાણતા જ ડાયાબિટિસના રોગમાં સપડાય છે. મધ્ય રાત્રિ પહેલા ભોજન કરીને તરત સૂઈ જવાની ટેવને કારણે અને રાત્રિ ભોજન પહેલા નાસ્તો કરવાની ટેવને કારણે ડાયાબિટિસ થવાનું જોખમ અનેકગણું વધી જાય છે.

રાત્રિ ભોજન પહેલા નાસ્તાની ટેવ તબિયત માટે હાનિકારક
મુંબઈ અને કોલકાતામાં કરવામાં આવેલો સર્વે એવો નિર્દેશ કરે છે કે આ બંને શહેરોમાં અનુક્રમે ૩૦ ટકા અને ૪૭ ટકા પરિવારો રાત્રે ૯.૦૩થી રાત્રે ૧૧.૩૦ વચ્ચે રાત્રિ ભોજન કરે છે. જો કે ચેન્નાઈની માતાઓ અને બાળકોની ભોજન શૈલી તંદુરસ્ત છે તેમાંનાં ૫૦ ટકા લોકો રાત્રે ૯.૩૦ કલાક પહેલા ડીનર લઈ લે છે. રાત્રે વહેલું ભોજન કરવાની બાબતમાં ચેન્નાઈ પછી બેંગ્લોર અને દિલ્હીનો વારો આવે છે. પાંચ મેટ્રો સિટીમાં વસતા ૧૦૦૦ પરિવારોની રાત્રિ ભોજનની અને તેમની જીવનશૈલીનો સર્વે કરાયો હતો જેમાં મોડી રાત્રે સૂતા પહેલા ખાવાની ટેવ ડાયાબિટિસને નોતરે છે તેવું જણાઈ આવ્યું હતું.

રાત્રિ ભોજન પહેલા નાસ્તાની ટેવ પણ તબિયત માટે હાનિકારક છે. મોટાભાગનાં મેટ્રો સિટિમાં ૧૦માંથી ૬ બાળકો રાત્રિ ભોજન પહેલા સાંજે ૬થી રાત્રે ૮ની વચ્ચે નાસ્તો કરવાની ખરાબ ટેવ ધરાવે છે. કોલકાતા રાત્રિ ભોજન પહેલા નાસ્તો કરવાની આ કુટેવમાં પહેલા ક્રમે છે. તે પછી દિલ્હી અને ચેન્નાઈનો વારો આવે છે. નવાઈની વાત એ છે કે માતાપિતાઓ તેમનાં સંતાનોને આ કુટેવ છોડાવવાને બદલે આવી કુટેવનાં ભોગ બનતા રહ્યા છે.

દિલ્હીનાં ન્યુટ્રિશિયન ઈશી ખોસલા જણાવે છે કે રાત્રિ ભોજન પહેલા નાસ્તો કરવાની કુટેવ તંદુરસ્તી માટે હાનિકારક છે. લોકો બિનઆરોગ્યપ્રદ પેકેજડ્ ફૂડ ખાઈને મેદસ્વી બને છે તેમજ હાયપર ટેન્શન અને હોર્મોન્સ અસંતુલિત થવાના ભોગ બને છે. લોકોએ તેમના ભોજનમાં વધુ ફેટ, સુગર અને વધુ ગ્લીસેમિક ધરાવતો ખોરાક ખાવાનું બંધ કરવું જોઈએ. દેશમાં આવી કઢંગી જીવનશૈલીને કારણે ૨ કરોડથી વધુ લોકો મેદસ્વીતાનો અને ડાયાબિટિસનો ભોગ બન્યા છે.

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.

Source:sandesh.com

Link to Aaraogya

મંતવ્ય

આ આપની સાઈટ છે, માટે આપણે સાથે મળીને તેમાં સુધારણા કરીયે. આપણા તરફથી પ્રતિક્રિયા અથવા મંતવ્ય આવકાર્ય છે. આપણે મળીને ઉત્તમ રાખીયે.

મંતવ્ય આવકાર્ય

Follow us